Contoh biografi dalam bahasa sunda
Ngaran
lengkepna Ida setiawati, panggil welah Ibu Ida, wasta bapana Maman suparman,
upami mamahna mah wastana Unuh, dedegan pun biang mejeuhna ; teu jangkung, teu
pendek, umurna tos nincak 40 taunan.
Padambelan sadidintenna nyaeta ngurus kulawarga. Enjing-enjing
anjeunna ngawulang di PAUD. Pasisiang
anjeunna ngawulang di MADRASAH DINIYAH, nu kaleresan teu tebih ti bumi abdi. Madrasah
sareng PAUD tempatna ngahiji eta-eta keneh, nu tempatna digigireun bumi. Enjing-enjing dianggo murangkalih PAUD,
siang dianggo murangkalih madrasah.
Nu
matak raos we, eta mah didambel teh etang-etang nganggur we saurna teh. Upami
wengi oge anjeunna sok ka Masjid
ngabantosan punbapa, nu kaleresan anjeunna teh dipercanten ku warga kanggo
ngurus sareng janten imam masjid, sareng ngurus Madrasah. Atuh punbiang teh sok ngabantosan ngawurukkan
ngaos barudak. Masjidna oge sami caket mung kahalangan ku sabumi.
Punbiang
ge sering pisan ngagentosan tugas punbapa, ngawurukkan ngaos barudak teh
nyalira. Paling dibantosan ku abdi sareng santrina punbapa. Margi punbapa mah
sering pisan tugas ka luar kota. Malihan sok rajeun ngalebetan ceramah
(pangaosan ibu-ibu), upami punbapa nuju teu aya.
Nu
puguh mah punbiang teh sadidintenna sigana teu aya lirenna, ti enjing-enjing ka
PAUD, teras siangna ka Madrasah, wengina ka mesjid. Teu acan ngurus bumi mah
sareng kulawarga, nyaeta diantawisna abdi nu kedah dikawulaan wae.
Punbiang ngagaduhan wargi hiji pameget.
Saleresna mah wargina teh 3 mung tos ngarantunkeun janten mung kantun hiji.
Anjeunna lahir ti kulawaga patani biasa.
Punbiang teh lahir di Sumedang, 6 Agustus 1973. Anjeunna
mimiti sakola di SD HAURNGOMBONG III, nyaeta di dusun Lapang, Desa Haurngombong.
Teras anjeunna neraskeun sakolana ka SMPN 1 TANJUNGSARI, tempat abdi ayeuna
sakola. Anjeunna pernah diguruan ku guru anu ayeuna masih keneh ngajar di SMPN
1 TANJUNGSARI, diantawisna ; Pa Dudi, Pa Muzmar, Pa Dwijo, sareng Bu Eni.
Rerencangannana oge aya, anu ayeuna janten petugas diperpustakaan, nyaeta Ibu
Nia Huristiani.
Saleresna waktos anjeunna sakola di SMP kantos ngalih
heula ka kota Banten, kumargi ngiring ngalih ka pun nini. Tempat sakola anjeuna
di Banten teh SMPN CIGEULIS. Tempatna lumayan raoseun margi caket pisan ka
laut. Janten pami nuju bebas atanapi uih rada tereh sok ngadon ameng heula di
sisi basisir, ngadon ucing-ucingan, lulumpatan bari babaseuhan. Atuh dugi ka
bumi teh sok diseuseulan ku pun nini.
Waktos
sakola di SMPN CIGEULIS, punbiang kaleresan diwulang ku rerencanganana Pa
Dwijo, anu wastana Pa Entis Sutisna, guru Matematika sareng Pramuka.
Nanging punbiang sareng punnini di Bantenna teu lami mung 4 sasih. Anjeunna
teras sakolana ngalih deui ka SMPN 1 TANJUNGSARI. Teu patos terang naon
alesannana mung anjeunna nyebatkeunna mah teu betah saurna teh, sakola di
Banten mah masih keneh kampungan saurna teh.
Anjeunna kantos ngalalakonkeun salami aya di Banten.
Waktos harita punbiang di sakolana janten murid anu pangpinterna. Anjeunna
janten juara kelas. Da saleresna mah nuju di SD-na oge anjeunna juara kelas wae
ti ngawitan kelas I dugi ka kelas VI oge.
Kumargi tempatna di padataran sareng caket pisan ka laut,
upami nuju usum hujan teh, komo pami hujanna teras-terasan mah di lembur teh
sok kabanjiran. Atuh angkat ka sakola teh nganggo heula acuk bebas sapatu
dikeresekkan. Teras di gentos di bumi wargi
nu kaleresan tos caket ka sakola sareng
tos teu kabanjiran margi tempatna rada di luhur.
Waktos ngalih deui ka SMPN I TANJUNGSARI punbiang kacida
reuwaseunana, margi elmu pangaweruhna janten turun. Kamungkinan kumargi pan
tadi ge diluhur dicarioskeun sakola di SMPN CIGEULIS mah masih keneh kampungan,
janten barudakna oge karampungan nya atuh punbiang teh nyongcolang jadi murid
anu pangpinterna. Ari ngahiji deui sareng budak kota mah nya kaelehkeun deui
atuh anjjeunna teh.
Saparantosna
tamat sakola di SMPN 1 TANJUNGSARI,
anjeunna neraskeun sakola ka SMAN TANJUNGSARI, salami anjeunna sakola, jarang
naek kandaraan, anjeunna sok leumpang motong jalan ka Ranjeng, margi memang nu
sanes oge nyakitu sok parapah, janten ngabring rame pisan. Paling-paling pami angkatkeun
mah osok naek angkot, margi sieun kasiangan, tapi sok kabagean angkot doyok
wae, mayarna ukur Rp 50.
Tamat sakola di SMAN TANJUNGSARI, anjeunna teu
neraskeun sakola kamamana deui, Henteu sapertos rerncangannana anu neraskeun ka
perguruan Tinggi. Saurna mah karunya ka pun nini teu aya kanggo ngabiayaannana.
Salami
eta anjeunna sok mantuan punnini we ka kebon atanapi ka sawah, ngingiring tani,
melak cabe, melak tomat sareng nu sanesna. Tapi anjeunana midambelna kalawan
hate gumbira we teu kapaksa.
Kantos
anjeunna teh sakedap didambel di pabrik CORN, paranti
ngagulung kaen. Anjeunna dambel di Pabrik sareng pun uwa.. Kumargi teras nikah
anjeunna teras kaluar ti padambelannana.. Nu saterasna ngagaduhan murangkalih 2
pameget wungkul. Nyaeta abdi anu nuju sakola di SMPN I TANJUNGSARI, Hiji deui
mah pun adi wastana Faishal Azhar, anjeunna nembe bade lebet ka SD taun ieu.
Pun biang teh, bageur
pisan ka abdi, upami abdi ngagaduhan tugas nu hese, anjeunna sok mantuan,
sareng upami teu mantuan oge, anjeunna sok ngantosan abdi dugi ka beres
ngerjakeun tugas. Sanaos anjeunna teh sering pisan ngaraos jengkel ka abdi,
margi panginten biasa kitu ari barudak mah hoyongna teh ameng we sapertos abdi,
atanapi maen game, tapi anjeunna tetep sabar.
Top 10 Casino Apps - Casinoworld
ReplyDeleteIn this section apr casino we'll walk you deccasino through our selection of top casino apps, and hopefully you'll find plenty of 바카라사이트 useful information on the top How do 바카라 사이트 you use PayPal?Are งานออนไลน์ there any deposit bonuses at your casino?